ТЕРОРИСТИЧКИ НАПАД ВО СИНАГОГА: Во Ерусалим загинаа осум луѓе
Објавено во: Свет 27 Јануари, 2023
Осум лица загинаа во напад во синагога во Ерусалим.
„Осум лица загинаа во пукање во синагога во Ерусалим, а десет се повредени, соопшти денеска израелското Министерство за надворешни работи“, јави Си-Ен-Ен.
Маген Дејвид Адом од израелската служба за спасување соопшти дека напаѓачот е неутрализиран на местото на настанот и дека некои од повредените се во критична состојба.
Израелската полиција го опиша како „терористички напад” и објави дека се случил во синагога во Неве Јаков, која Израелците ја сметаат за соседство во Ерусалим, додека Палестинците и поголемиот дел од меѓународната заедница сметаат дека е окупирана земја. Палестински групи не презедоа одговорност за нападот.
Израел во петокот започна воздушни напади врз појасот Газа како одговор на ракетниот напад од милитантите на палестинска територија. Израелската војска соопшти дека извршила најмалку два напади насочени кон камп за обука на Исламскиот џихад.