ТЕРОРИСТИТЕ ОД ХАМАС НА ЗАЛОЖНИЦИТЕ ИМ ДАВАЛЕ ЛЕКОВИ: Требало да изгледаат смирени
Објавено во: Свет 05 Декември, 2023
Палестинската терористичка група Хамас им давал лекови за смирување на ослободените заложници за да изгледаат среќни.
Претставници на израелското Министерство за здравство денеска пред парламентарната здравствена комисија изјавија дека Хамас им дал на заложниците ослободени од заробеништво лекови за смирување пред да ги предаде на Црвениот крст на пат кон Израел. Целта на Хамас била заложниците да изгледаат смирени, среќни и оптимисти откако биле изложени на физичко малтретирање и психички терор во текот на повеќе од 50 дена во Појасот Газа, пренесе Бета.
Директорот на одделот за исхрана во Министерството, Хагар Мизрахи, изјави дека на заложниците им давале Клоназепам (Ривотрил), кој меѓу другото, според израелските медиуми, се користи за анксиозни нарушувања.
Претставниците на Министерството не открија дали тоа е потврдено со тестовите на крвта на ослободените заложници во израелските болници или врз основа на нивните сведоштва. Истото го кажаа и семејствата на заложниците. Израелскиот премиер Бенјамин Нетанјаху и уште двајца членови на Воениот кабинет денеска ќе се сретнат со семејствата на заложниците кои ги држат. Во нападите на југот на Израел на 7 октомври, палестинските екстремисти предводени од Хамас убија повеќе од 1.200 луѓе и одведоа околу 240 заложници во Појасот Газа, наведува Бета. Израелските власти велат дека во Газа има уште 137 заложници. За време на неодамна склученото седумдневно примирје во војната, се ослободени 105 заложници, меѓу кои 81 Израелец, 23 Тајланѓанец и еден Филипинец. Израел очекува тешки борби во новата фаза од неговата војна во Појасот Газа, но е отворен за „конструктивна повратна информација“ за намалување на цивилните жртви, додека таквиот совет е во согласност со наведената цел за уништување на Хамас.
Хамас бара формирање на независна држава Палестина со главен град Ерусалим.