ТЕШКО ПОВРЕДЕНА МАЛОЛЕТНИЧКА ОД СТРУМИЦА: се судрија мопед и автомобил, има повеќе повредени лица
Објавено во: Македонија 21 Јуни, 2024
Малолетничка од Струмица е повредена во сообраќајна незгода која се случила на булеварот „Маршал Тито“ во Струмица.
До повредата на малолетничката која завршила во болница, како што информираат од Министерството за внатрешни работи, дошло кога се судриле мопед на кој што се возела. Повреден е и возачот на мопедот, откако се судриле со патничко возило „сеат“.
- На 20.06.2024 во 15.50 часот во Полициската станица Струмица било пријавено дека на булевар „Маршал Тито“ во Струмица се случила сообраќајна несреќа помеѓу мопед со струмички регистарски ознаки, управуван од С.В.(43) од Струмица и патничко возило „сеат“ со германски национални ознаки, управувано од Ѓ.С.(35) од село Мокриево, струмичко.
Во несреќата со тешки телесни повреди се здобила малолетна сопатничката на мопедот, а со телесни повреди се здобила С.В., констатирани во Медицински центар Струмица. Увид на местото извршила екипа на Полициската станица Струмица - се наведува во билтенот на МВР.