ТЕШКО ТОЈ ШТО НЕМА ДА СЕ МОБИЛИЗИРА: Путин ќе ги казнува со казни и до 10 години затвор

Добивај вести на Viber

Рускиот претседател Владимир Путин денес потпиша законски измени кои предвидуваат до 10 години затвор за војниците кои избегнуваат мобилизација, дезертираат, се предадат или одбиваат да се борат. Разбојништво се казнува и со затвор до 15 години.

Законските измени дојдоа откако Русија најави делумна мобилизација на резервисти за борба во Украина, каде руските сили претрпеа неуспеси во последните недели.

Наредбата за мобилизација, за која властите велат дека се однесува на 300.000 луѓе, предизвика загриженост кај многу Руси, а некои одлучија да ја напуштат земјата.

Додека Москва прави максимални напори да регрутира повеќе мажи за да одат на боиштата во Украина, Путин во саботата потпиша закон со кој им олеснува на странците кои се приклучуваат на армијата да добијат руско државјанство.

Според тој закон, странците кои ќе се приклучат на армијата за период од најмалку една година ќе можат да аплицираат за државјанство, без да мора да ги поминат петте години престој на руска територија кои вообичаено се потребни.

Се чини дека оваа мерка првенствено е насочена кон мигрантите од поранешните советски републики од Централна Азија.