„ТИЕ ШТО ВО 2001 МИ ЈА ЗАПАЛИЈА КУЌАТА ВО АРАЧИНОВО, ДЕНЕС СЕДАТ ВО ПАРЛАМЕНТ“- Статус во кој една девојка се сеќава на кобните случувања
Објавено во: Македонија 24 Јуни, 2023
Потресен статус се споделува на социјалните мрежи. Една девојка која живеела во Арачиново, а чија куќа била запалена токму на денешен ден, сподели емотивни сеќавања.
„На 24 ти јуни 2001 ва година во Арачиново беше запалена мојата куќа од страна на припадниците на терористичката организација UCK, каде за малце брат ми жив ќе изгореше. Не само што ми го земаа домот, ми ги земаа сите драги спомени во вид на слики од моите претци, ми го одземаа тинејџерството, смеата во дворот со моето семејство, ми го земаа спокојот. Монструмите ми одземаа сѐ она што до тогаш се нарекуваше дома. Денес истите тие што ми ја украдоа младоста, што ми ја запалија куќата ги гласате и седат во парламент како претседатели на партии, како претседател на собрание. Не, тоа не се заборава. Немојте мене да ми велите дека треба да заборавиме на минатото и да се фокусираме на иднината. Минатото нѐ прави она што сме денес. И како индивидуи и како општествена заедница. Јас нема да заборавам !!! А вие како сакате.“