„Титаник“ со поранешниот врв на ВМРО-ДПМНЕ заплови кон судот
Објавено во: Македонија 31 Јануари, 2018
Советот на Основниот суд Скопје 1 го прифати предлог обвинителниот акт за предметот „Титаник“ кој го води Специјалното јавно обвинителство, а се однесува на осомничени лица од речиси целиот поранешен врв на раководството на ВМРО-ДПМНЕ за под сомнежи за сторени изборни измами.
Од Кривичниот суд соопштија дека по одобрениот обвинителен акт формиран е кривичен предмет со КОК бр. 7/18 кој согласно АКМИС – електронскиот систем e распределен на понатамошно постапување, а откако ќе биде закажана главната расправа, странките и јавноста ќе бидат дополнително известени.
Во случајот „Титаник“ обвинети се поранешните министри Миле Јанакиески и Гордана Јанкулоска, поранешниот премиер и претседател на ВМРО-ДПМНЕ Никола Груевски, поранешниот шеф на неговиот кабинет, Мартин Протогер, поранешниот генерален секретар на владата и на ВМРО-ДПМНЕ, Кирил Божиновски, и уште петнаесетина други лица. Сите се товарат за злосторничко здружување, злоупотреба на средствата за финансирање на изборната кампања и повреда на избирачкото право.