Титовиот Нептун -интернет спроводник во Хрватска

Добивај вести на Viber

Хрватската влада за бизнис цели ќе го искористи тајниот проект на Тито наречен Нептун, изграден за управување на ракетниот систем на ЈНА,  пишува Јутарњи. Заборавениот воен проект Владата на Хрватска чија мрежа се протега под море и на копно и ги поврзува воените објекти на поранешна ЈНА на Бриони, Хвар, Сплит, Шибеник, Задар и повеќе други места до Превлака,  ќе го употреби во склоп на планот за обединување на мрежата во јавните претпријатија. Со што ќе овозможи широка примена на широкопојасниот интернет во државата. Инфраструктурата на оптичката мрежа така повеќе нема да биде само во сопственост на телекомуникациските компании, туку и на државата. Околу 3.000 километри постоечка мрежа во сопственост на Јадранскиот нафтовод ќе бидат искористени како и Хрватски автопати, Железницата, Плинкроа, изградена покрај автопати, нафтоводот, гасоводите и железничките пруги. Така би се покрил копнениот дел на Хрватска. За поврзување на брегот и островскиот дел од земјата ќе се искористат каблите од Титовиот проект, во кој ЈНА инвестирала од 1974 до 1990. Како што пишува Јутарњни лист, се работи за тајниот проект Нептун наменет за управување со ракетните системи и централизација на комуникациите. Цевките се поставено од Бриони преку Превлака, па се до Бока Которска и во нив има бакарна жица. Сепак според шефот Е- Хрватска, Дарко Париќ од цевките ќе треба да се извади бакарот и да се замени со оптички кабел, што денес не е тешко изводливо.