ТМРО: Итни државни инвестиции и Македонците да престанат со продавање земја

Добивај вести на Viber

ТМРО бара државата итно да почне со инвестиции во северозападниот дел и апелираат Македонците од Чаир, Тетово, Гостивар, Куманово, Маврово, Кичево и Струга да не подлегнуваат на притисоците и да не ги продаваат имотите на Албанците. Според ТМОРО тие плаќаат многу пари со цел да оформат и да ги поврзат етнички чистите  територии. „Очигледна е зголемената активност на албанските фондови од САД и од Европа во пресрет на финалниот статус на албанското прашање и целта за приграбување на што повеќе македонска земја. Македонците немаат повеќе земја за продажба. Предлагаме итно да се донесе закон за првенство при купување на недвижен имот од физички лица од Република Македонија во наредниот период од 50 години и итни државни економски инвестиции во северозападна Македонија каде 30 години нема државни инвестиции, каде фабриките одамна се во стечај со цел ревитализација на напуштените македонски села“, посочуваат од ТМРО.