Добивај вести на Viber
Тојота идната седмица планира да го запре производството во својата најголема фабрика во Кина поради силниот пад во побарувачката на јапонски автомобили, а како резултат на територијалниот спор меѓу Токио и Пекинг.
Тојота, најголемиот производител на автомобили во првата половина на 2012-та, соопшти дека ќе го прекине производството од понеделник во фабриката во североисточниот дел на Кина, која е една од деветте на Тојота во земјата и задоволува околу 60% од кинескиот пазар, соопшуваат медиумите.
Портпаролот на Тојота во Токио одби да ги коментира информациите, велејќи дека приспособувањето на производството било дел од нормалната практика на компанијата и немало да открива повеќе детали околу тоа. Тојота, но и јапонските Хонда и Нисан, го намалија своето производство во Кина, најголемиот пазар на автомобили во светот, бидејќи продажбата драстично се намали поради дипломатскиот спор околу островите во Источнокинеското Море, кои се контролирани од Јапонија.