28 Март, 2024
0.0484

Македонскиот текстил во магацините во странство: Нема нови нарачки, компаниите пред банкрот

Објавено во: Економија 22 Септември, 2020

Добивај вести на Viber

Тоне текстилната индустрија. Извозот се намалува и трендот не престанува. Домашните текстилни фабрики немаат начин како да ја пребродат кризата, па бараат нови мерки за директна поддршка од државата. Според најавите и да се стабилизира ситуацијата што е малку извесно набрзо, ним ќе им требаат нови шест месеци да се вратат во кондиција. Намалената ликвидоност, слабите нарачки, резултираат со смален обем на работа и стравувања за губење на работни места. Ќе тоне и нивната кондиција да опстојат. 

Ангел Димитров за Фактор вели дека во идните два месеци текстилните компании ќе го претрпат најголемиот удар од Ковид-19. Причината за ова ја лоцира во сезонскиот карактер на оваа дејност, зашто според него, во април и мај кога дуќаните во Европа беа затворени требаше да се продаваат артиклите од сезоната пролет-лето 2020 година. Сега овие производи се во магацините на партнерите на нашите домашни компании. Тие не можат да ги продадат нив, а камоли новите.

„Многу наши партнери не можат да прогнозираат колку нови артикли ќе треба да произведеме од октомври годинава до април следната година. Ако овие компании не добијат значителна државна помош за овој период сигурно дел од нив ќе се одлучат да отпуштат дел од вработените за да ја спасат компанијата од банкротирање, вели Димитров. 

Од Стопанската комора на Македонија велат дека следните неколку месеци ќе бидат одлучувачки за опстанокот на текстилната и кожарската индустрија. Најавите за намалување и откажување на нарачките од странските партнерите е најголем предизвик во моментов. Според проценките кои се базирани на најавите на странските купувачи, за следниот период се очекува намалување на продажбата на производите за фантастични 40 до 50 проценти во однос на претходните години. 

„Евидентно кај домашните компании е дека имаат намалени и откажани налози од страна на долгогодишните странски партнери, пред се’ од Германија која е наш најголем трговски партнер, каде за следниот период се очекува намалување на обемот на нарачките, т.е. помалку работа, односно компаниите може да очекуваат нарачки на помали серии, што наметнува предизвик кај компаниите да ја подобрат продуктивноста и да воведат флексибилно производство со брз премин од еден на друг производ, со што би можело да се одговори на ваквите промени на пазарните услови, вели Сашо Деспотоски, самостоен советник во Стопанска комора на Македонија

Текстилната индустрија, индустријата за облека и индустријата за производство на кожа и други производи од кожа учествуваат во вкупното индустриското производство на државата со 12,8 проценти, и вработуваат над 37.000 работници.

Вкупниот извоз на овие индустрии во 2019 година изнесувал над 540 милиони eвра, додека за првите шест месеци од 2020 година истиот изнесува 252 милиона евра, а при тоа над 93 отсто од роизводството е базирано на „лон“-принципот на работа за познат купувач.

И од Комората и од текстилните компании велат дека со поддршката од Владата ќе се поддржи конкурентноста, ќе се автоматизира и дигитализираат некои сегменти од производниот процес, набавка на нова опрема согласно со промените на пазарот, со цел зачувување на работните места и опстојување на компаниите во наредниот период.

А.Т.

Можеби ќе ве интересира

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра