ТРАГЕДИЈА КАЈ ТОРАНИЦА: Рудар настрада, двајцата повредени стабилни
Објавено во: Македонија 28 Јули, 2019
Стабилна е состојбата на двајцата повредени рудари од рудникот за олово и цинк, поранешна Тораница кои беа пренесени во општата болница во Куманово.
Тие, како што кажала Директорката на болницата, Снежана Захариева хоспитализирани се на одделението за хирургија и ќе останат на опсервација и се надвор од животна опасност.
– И двајцата се во стабилна состојба, со оглед на тоа што имало експлозија со голем притисок што може да доведе до оштетување на долните респираторни патишта и на ушното тапанче кај рударите се направени прегледи од страна на специјалисти по интерни болести и специјалист по уво нос и грло, не се констатирани повреди, направени им се лабараториски испитувања кои се уредни, изјави Захариева.
Двајцата рудари ќе останат на хируршкото одделение во кумановската болница, а ќе им биде направена и компјутерска томографија.