ТРАГЕДИЈА ВО ТУРЦИЈА: Едно лице загина, седум се повредени, околу 200 блокирани поради несреќа на жичарница (ВИДЕО)

Добивај вести на Viber

Едно лице загина, а седум се повредени во градот Тунектепе во близина на јужниот турски град Анталија кога кабината на жичарницата удрила во столб и се отворила, а неколку патници испаднале, соопштија денеска локалните власти.

Градоначалникот на Анталија, Мухитин Бочер рече дека 184 други патници останале заробени во 25-те кабини на жичарницата на висина од неколку десетици метри додека инженерите се обидувале да го рестартираат системот.

Турскиот министер за внатрешни работи Али Јерликаја истакна дека во спасувачката операција учествувале повеќе од 160 припадници на Службата за брза интервенција.

There was an accident in Turkey - the cable car cabin fell.

The cab was going up the mountain from Konyaalti Beach in western Antalya.
As a result, one person died and seven others sustained various injuries. About 200 people still remain in the blocked cable car cabins.

The… pic.twitter.com/hXzGJo8GmE

— Peacemaker (@peacemaket71) April 13, 2024

Хеликоптери опремени со опрема за ноќно гледање беа повикани да спасат 184 луѓе кои се уште беа заробени во кабините на жичарницата, рече градоначалникот на Анталија, Мухитин Бочек, во изјава доцна во петокот.

„Нашите специјализирани тимови се тука. Дај Боже, ќе ги спасиме сите за кратко време“, рече Бочек.

Смртта и повредите настанале кога една од кабините во системот на жичарницата на релација Сарису-Тунектепе паднала во карпеста област по уривање на столб, изјави турскиот министер за внатрешни работи Али Јерликаја.

Пет лица кои биле во кабината се евакуирани со хеликоптер, додека двајца се уште чекаат да бидат префрлени, објави тој на платформата Х.

На местото на несреќата се испратени околу 110 припадници на итната помош, рече Јерликаја, додека дополнителни специјализирани планинари се испратени од други делови на Турција.

Група од 10 опозициски пратеници, исто така, се упати кон местото на несреќата за „детално да ја истражат несреќата“, рече Озгур Озел, претседател на опозициската Републиканска народна партија (ЦХП).