Трамп е подготвен да дејствува сам против Северна Кореја, доколку Кина не сака да помогне
Објавено во: Свет 03 Април, 2017
Американскиот претседател Доналд Трамп изјави во неделата дека ќе ја искористи трговијата како адут за влијание за да обезбеди соработка со Кина во активностите против Северна Кореја. Ако Пекинг не сака да се вклучи, САД се подготвени да дејствуваат еднострано за справување со севернокорејската нуклеарна закана, пренесува Reuters.
Трамп и кинескиот претседател Си Цзинпин ќе се сретнат за прв пат во Флорида на 6 и 7 април, кога ќе разговараат за Северна Кореја, тензиите во Јужното Кинеско Море и разликите околу трговски прашања. Кина има големо влијание врз Северна Кореја. Кина или ќе одлучи да ни помогне со Северна Кореја, или нема, рече Трамп, предупредувајќи дека ако Пекинг не го реши проблемот со Пјонгјанг, тогаш Американците ќе го сторат тоа.
Советниците на американскиот претседател во сферата на безбедноста се подготвени со листа на можностите со кои Вашингтон има за цел справување со нуклеарната закана од Пјонгјанг. Списокот со препораки вклучува голем број економски и воени мерки, но склони побрзо кон нови санкции против Северна Кореја и засилен притисок врз Пекинг да ги заузда Пјонгјанг.