Трамп им „стегна“ нови санкции на Русите
Објавено во: Свет 29 Јули, 2017
Притиснат од домашната политичка јавност американскиот претседател Доналд Трамп се согласи да го потпише новиот пакет на санкции кои ги иницираше Конгресот на САД, а се наменети како одговор за сомнежите за руското мешање на претседателските избори лани со хакерски напади на политичари и организирана објава на лажирани вести.
Со новите американски санкции ќе се нанесе дополнителен удар врз руската економија, особено во енергетскиот сектор каде има и најголем профит за државниот буџет. Русија на овие санкции одговори со свои контра мерки меѓу кои и протерување на околу 700 американски дипломати.
Трамп во текот на својата кампања постојано порачуваше дека сака да ги подобри односите со Русија за да има нормална соработка во областа на економијата и борбата со тероризмот, но скандалите за наводна поврзаност со руски владини функционери и бизнисмени му го наруши угледот во САД, а Конгресот се осигура со посебен закон дека претседателот нема да може со издавање на наредба да ги укине санкциите туку ќе мора да ги праша прво законодавците.