Третина од потрошената струја лани дојде од увоз!

Добивај вести на Viber

Дури 32,5% од вкупната потрошена електрична енергија во Македонија лани е увезена, покажуваат податоците од МЕПСО. Државните термоелектрани придонесоа со 53,6% во домашното производство на струја за периодот јануари-декември 2012 година, додека државните хидроелектрани со само 10,5%. Од независните производители на струја Македонија искористи само 3,4%. Само во декември минатата година, дури 40,2% од потребите за електрична енергија беа дефицитарни, па мораа да се увезат, бидејќи државните термо и хидроцентрали успејаа да произведат само 59,8% од вкупните потреби. За разлика од декември 2011 година, од увоз дојде 34,5% од потрошената струја, а термоелектраните во сопственост на ЕЛЕМ произведоа 57,3% од потребната струја, додека државните хидроелектрани 8,1%. Овие статистички податоци со кои располага МЕПСО не ја покажуваат вкупната потрошена, произведена и увезена струја во мегават/часови.