Трговската размена во јануари поголема за 7,1%

Добивај вести на Viber

Обемот на трговска размена во јануари изнезува 802,8 милиони долари и е за 7,1% поголема споредено со истиот месец 2012 година, покажуваат податоците од Државвниот завод за статистика. Според податоците на Заводот, извозот во јануари, споредено со истиот меец лани пораснал за 11,9% и изнесува вкупно 305,6 милион долари, додека увозот пораснал за 4,3% и изнесува 497,2 милиони долари, при што покриеноста на увоз со извоз изнесува 61,5%. Трговскиот дефицит изнесува 191,5 милиони долари. Споредено со претходниот месец, извозот бележи пад од 11,4%, додека увозот, во јануари, споредено со декември 2012 година е помал за 15,4%, покажуваат статистичките податоци. Обемот на трговска размена во јануари, споредено со декември пак е помал за 14,1% Во извозот најголемо е учеството на катализаторите на носачи со благородни метали или нивни соединенија, фероникелот, производите од железо и челик (валани производи), облеката и преработките од нафта. Во увозот, пак, најмногу се застапени суровата нафта, платината и легурите на платина, необработени или во прав, рудите на никел и нивните концентрати и електричнатаенергија. Најголем дел од македонскит извоз во јануари отпаѓа на земјите-членки на ЕУ 27 (70.4%) и на земјите од Западен Балкан (19.0%). И во увозот на стоки најголемо учество имаат земјите-членки на ЕУ 27 (51.9%), како и Заедницата на независни држави (13.7%). Македонија најмногу тргува со Германија, Велика Британија, Русија, Бугарија и Србија (49% од вкупната надворешно-трговска размена)