ТРИ ДЕВОЈЧИЊА ВО РОМАНИЈА СЕ ЗАТРУЕНИ: Majките со токсичен раствор за овци ги чистеле од вошки
Објавено во: Свет 24 Декември, 2023
Мајки во Романија ги чистеле од вошки своите деца со средство за овци, поради што едно од нив се бори за живот. Ова средство се користело за чистење на паразити кај овците.
Полицијата го истражува труењето на три девојчиња, од кои едното е во критична состојба. Станува збор за девојчиња на возраст од 8, 12 и 13 години од Орашти. Тие се хоспитализирани во неделата наутро, откако во саботата мјаките употребиле токсичен раствор за отстранување на вошки. Девојчињата почнале да се жалат на вртоглавица и повраќање, а семејството повикало брза помош. Тие се примени во болница откако покажале знаци на тешко труење, кои биле придружени со повраќање и губење на свеста.
Тинејџерките на возраст од 12 и 13 години се задржани во болница во Дева, додека осумгодишното девојче во критична состојба е префрлено во Темишвар, каде е интубирано и приклучено на механичка вентилација.
Против мајките полицијата ќе поднесе кривична пријава за нанесување повреди на малолетно лице. Настанот се случи само два дена откако почина петгодишно девојче, а нејзините братучеди, на возраст од 2 и 10 години, се хоспитализирани кога нивната баба им ги измила главите со раствор што се користи за чистење на овците од паразити.