Три години затвор за возач на автобус кој направи сообраќајка со жртви кај Велес-Скопје
Објавено во: Македонија 03 Октомври, 2019
Три години затворска казна ќе лежи 50 годишниот возач на автобус на скопска компанија кој пред две години направи сообраќајка во близина на месноста „Пуста Кула“ на автопатот Велес-Скопје во која животот го загубија двајца патници, а 13 беа повредени од кои 12 со телесни повреди.
Возачот како што соопштија од судот во Велес го признал делото и се извинил на патниците.
Несреќа на автобусот се случила бидејќи возачот на автобусот не ја држел страната и правецот на движење, не се движел по средината на коловозната лента на која се наоѓал, туку преминал на левата коловозна лента, излегол од коловозот, удрил во металната заштитна ограда и на левата бочна страна се превртел со автобусот полн со патници при што дошло до несреќата.