09 Април, 2020
0.0224

Три милиони евра казна и можни кривични пријави за трговците со струја кои картелски се здружувале

Објавено во: Мои пари 31 Октомври, 2014

Глобата од три милиони евра што ќе ја платат четирите компании, кои се казнети од страна на Комисијата за заштита на конкуренцијата (КЗК) за картелско здружување е навидум висок износ. Особено ако земеме во предвид дека вредноста на трговијата со електрична енергија минатата година изнесувала 128 милиони евра, а дополнително количините и вредноста на увозот секоја година растат. Компаниите обвинети и казнети за картелско здружување „ЕФТ Македонија“,  „ЕЗПАДА“, „РУДНАП“,„ГЕН-И Скопје“ и „ГЕН-И тргованје ин продаје електричне енергије“, се истите компании кои имаат најголеми удели на пазарот на електрична енергија во земјава. Комисијата за заштита на конкурентноста во своето соопштение, не наведе колкави штети предизвикале фирмите на државната компанија ЕЛЕМ преку картелското здружување и договарање на цени и распределба на количини. Kомпаниите освен што ќе мора да платат парична глоба, заради прекршување на Законот за заштита на конкуренцијата, ризикуваат да се соочат и со можноста да добијат и кривични пријави. Трговијата со струја атрактивен бизнис ЕФТ Македонија е една од најстарите компании кои се бават со трговија на струја во Македонија. Трговијата со електрична енергија станува особено атрактивен бизнис во Македонија. Иако повеќе од деценија ЕФТ Македонија, а подоцна и ГЕНИ-М, Руднап, а последната година и новата Енерџи Диливери Солушнс (ЕДС) на Кочо Анѓушев, имаат доминантна улога во трговијата со струја, во земјава преку 30 компании имаат лиценци за трговија. Повеќето неактивни, но несомнено овој бизнис останува да важи за еден од најатрактивните. Инаку, претходно повеќе од десет години на чело на компанијата ЕФТ стоеше сегашниот сопственик на ЕДС Кочо Анѓушев. По неговото излегувањето од ЕФТ Македонија , ЕДС презема дел од дотогашниот удел од пазарот на ЕФТ Македонија . Доминантно учество на пазарот има и словенечката компанија ГЕН-И на чие чело долги години беше Ристо Павлов. ГЕН-И исто така има водечки удели во вкупната трговија со електрична енергија на македонскиот пазар, како и РУДНАП, чиј тогашен прв човек Горан Чогеља сега е советник во државна институција. Ова не е прва ваква одлука на Комисијата за заштита на конкуренцијата. Пред две години за прекршување на Законот за заштита на конкуренцијата беа казнувани повеќе компании од електроенергетскиот сектор, а беа казнети и две компании од фармацевтскиот сектор за договорен настап на тендер.

Можеби ќе ве интересира

ДОСТАВА НА ПЕЛИСТЕРКА ПРОИЗВОДИ НА ДОМАШНА АДРЕСА

ДОСТАВА НА ПЕЛИСТЕРКА ПРОИЗВОДИ НА ДОМАШНА АДРЕСА

ФИТР КРЕАТОН – избрани дигитални алатки за справување со последиците од Ковид – 19

ФИТР КРЕАТОН – избрани дигитални алатки за справување со последиците од Ковид – 19

„Кроациа Осигурување - Живот“: Детско штедно осигурување

„Кроациа Осигурување - Живот“: Детско штедно осигурување

АПЕЛ НА НЛБ БАНКА: Да се почитуваат превентивните мерки

АПЕЛ НА НЛБ БАНКА: Да се почитуваат превентивните мерки

Дел од Тафталиџе без вода

Дел од Тафталиџе без вода

Времена измена на работното време на Триглав осигурување

Времена измена на работното време на Триглав осигурување

Без вода сервисна зона Југ

Без вода сервисна зона Југ

Донации од училиштето „Нова“ и фабриката „Жито Пром“

Донации од училиштето „Нова“ и фабриката „Жито Пром“

Ассеко СЕЕ со донација за македонската влада за справување со кризата

Ассеко СЕЕ со донација за македонската влада за справување со кризата