Тројца малолетници испишале навредливи графити во Гостивар
Објавено во: Македонија 22 Јули, 2023
Графитите со навредлива етничка содржина во Гостивар ги напишале деца.
По десет дневна истрага, откриени се сторителите кои напишале неколку графити со заканувачка и навредлива содржина.
Од СВР Тетово информираат дека полициски службеници од ОВР Гостивар извршиле службен разговор со тројца малолетници од градот Гостивар.
„Во текот на разговорите, тројцата малолетници го признаа делото, а по целосно документирање на случајот против нив ќе биде изготвен соодветен поднесок“, велат од СВР Тетово.
Тие, по преземени мерки и активности се идентификувани дека на 10 јули годинава на четири станбени згради и трафостаница на улиците Мара Угринова и Гоце Делчев во Гостивар испишале неколку графити со заканувачки содржини.
фото МИА