Целта на Ципрас на изборите е апсолутно мнозинство

Добивај вести на Viber

Целта на радикалната левица Сириза на предвремените парламентарни избори на 20 септември е да добие "силен мандат, апсолутно мнозинство", за да може да управува во наредните четири години, вели поранешниот премиер и лидер на партијата Алексис Ципрас во интервју во неделникот "Риалњуз".

Изборите се можност да се излезе од десните две партии Нова демократија - ПАСОК, двете партии кои доминираат на грчката политичка сцена во последните четири децении ... „од витално значење e да не се враќаме назад, а да направиме чекор напред“, истакнува Ципрас во интервјуто.

Со предност од 1 до 3,5 поени, според анкетите, пред главниот противник Нова демократија Сириза има мали шанси да добие апсолутно мнозинство. Таа ќе биде принудена да бара сојузници за да формира коалициска влада, како што направи по победата на 25 јануари. Ципрас сепак исклучува каквa и да била соработка со партиите од стариот политички систем, и вели дека единствено партијата Независни Грци, неговиот партнер во владата во текот на осум месеци, може да ja игра оваа улога.

И покрај ветувањата дека ќе стави крај на суровото штедење во Грција Ципрас потпиша во јули во Брисел договор со доверителите за продолжување.

На прашањето за причините поради кои не побарал прошка од грчкиот народ, Ципрас рекол: Зошто треба да барам прошка? Се борев со сета своја душа да останам верен на мандатот на грчкиот народ, мнозинството не сака излез од еврозоната - оваа закана беше закана од доверителите ЕУ и ММФ, се оправдува тој.

Алексис Ципрас вели дека морал да се соочи со економска војна и дека на крајот не успеал да ја одржи победата против сите чудовишта и да ги поправи сите проблеми на земјата, кои стариот политички систем ги предизвика: корупцијата, затајувањето на даноци, корумпираните политичари .