Цената на рекламите за време на наградите “Оскар” достигна историски максимум

Добивај вести на Viber

1,95 милиони долари за 30 секунди достигна цената на телевизиските реклами, кои беа емитувани за време на прогласување на носителите на наградите "Оскар", соопшти претставник на компанијата Еј Би Си. "Ова е за 8 проценти повеќе отколку минатата година", пишуваат агенциите. Предметните 1,95 милиони долари за 30 секунди реклама време, сепак се далеку од 4,5-те милиони долари кои се плаќаат за реклами за Супер Боул. Експертите забележуваат дека рекламите се оценуваат многу високо за време на директните емисии, бидејќи во такви случаи телевизиските гледачи ретко ги тргаат очите од телевизискиот екран додека траат емитувањата. Според пресметките на специјалисти, телевизискиот канал Еј Би Си ќе добие повеќе од 100 милиони долари од рекламите, кои ќе се вртат за време на 3-часовното шоу. Церемонијата на доделување на наградите "Оскар“ минатата година била гледана од 45 милиони Американци. Се очекува оваа година нивниот број да има 2 милиони повеќе. Телевизиската компанија Еј Би Си го поседува ексклузивното право да го зрачи доделувањето ба наградите на територијата на САД. Правото оскаровката вечер да се пренесува во странство до 2020 година го поседува компанијата "Реџина Виста интернешнал", кој, како и Еј Би Си, влегува во составот на медиумската група "Волт Дизни". Сите актери и режисери кои не добија "Оскар" во главните категории, ќе се утешат со подарок кошница. Во секоја од нив ќе има по 80 изненадувања. Вкупната вредност на содржината на една кошница е 167 000 долари. Меѓу подароците има скапи вина, накит, луксузни одмори / на пример во Тоскана /. Во кошничката ќе биде ставен и ваучер, претплата од компанијата Enigma Life, која составува хороскопи, ги учи луѓето како да читаат мисли и да анализираат соништа. Тој чини 20 000 долари. Најмногу зачинети подароци сепак, очигледно предизвикани од филмот "Педесет нијанси сива", се збир на секс играчки. Меѓу нив се ласерски вибратор за 250 долари, инјекција за оргазам за 5000 долари, како и повеќето раскошни кондоми во светот - Naked Luxury по цена 56 долари за 12 единици. К.К.