Цената на становите во Србија го допре дното

Добивај вести на Viber

Понуда никогаш не била поголема, цената поевтина , а куповната моќ на граѓаните помала од моменталната на пазарот на недвижности. Продава оној што мора, а купува тој што има кеш, пишуваат медиумите.  Ваква е моменталната состојба на српскиот пазар каде што после кризата цените на становите паднаа и до 40%. Поради економската криза, цените почнаа да паѓаат во 2009-та, во просек од 10% годишно. Затоа, сега во белградските агенции за недвижности советуваат дека е одлично време за купување стан , но и покрај тоа броката на заинтересирани клиенти се намалува.Најниска е побарувачката за станови со средна големина од  50-75метри квадратни, бидејќи за овие објекти целна група е просечниот граѓанин кој живее од просечната плата. Состојбата е слична и во Нови Сад, каде што на крајот на 2008-ма, метар квадратен нов стан достигнувал цена и до 2000 евра. И покрај тоа што нема големи осцилации во стандардот на граѓаните, а цените паднаа под 1000 евра за метар квадратен, пазарот за недвижен имот стагнира, а прометот се намалува. Како што објаснуваат експертите, пазарот на недвижности отсекогаш бил најдобар показател за состојбата на економијата, но и за политиката на една држава. Оттука, пишуваат српските медиуми, „судејќи според сегашната ситуација, не можеме да се надеваме добро“.