Цената на златото и нафтата и понатаму ќе расте

Добивај вести на Viber

„И златото  и нафтата ќе бидат се поскапи  во иднина", заклучува Еуген  Веинберг, раководител на пазарот на стоки во „Комерцбанк“, кој неодамна беше избран за најдобар светски аналитичари во оваа област. Според Веиндерг , причината за пораст на цените не е стандардната понуда и побарувачка. Тој тврди дека земјите од ОПЕК, особено Саудиска Арабија, под притисок од Арапската пролет ги зголемија социјалните трансфери кон граѓаните, а о оглед на тоа што најмалку 80% од буџетот на нивните земји се полни од продажба на нафтата, не можат да си дозволат нејзино поевтинување. „ За само еден месец, пензиите  во некои арапски земји порасна 100%, додека платите во јавната администрација се повисоки за 20%. Граѓаните тешко ќе се откажат од повисоките примања", вели Веинберг. Златото пак станува единствената стабилна валута, па Кина планира пет проценти од своите резерви да ги чува во злато што значи дека ќе треба да купат околу 2000 тони злато. „Еврото, доларот и јенот се како грдите сестри со кои сакате да се излезете само ако сте многу пијани или очајни", се пошегува тој, додавајќи дека злато е всушност помалку лошиот избор, бидејќи еврото е оптоварен со конфликтите и недовербата во еврозоната, а јенот и доларот со големите дефицити и долгови на своите земји.