Добивај вести на Viber
Економијата на Грција се наоѓа во сложена ситуација и има потреба од помош. Тоа го изјави денеска грчкиот премиер Алексис Ципрас во обраќање кон парламентарната група на владејачката партија СИРИЗА, пренесоа агенциите.
Од излезот на преговорите со меѓународните кредитори зависи иднината не само на Грција, туку и на цела Европа. Ако ЕУ сака да најде излез од настанатата ситуација, треба да се слушнете во нашите предлози. Ние ќе продолжиме да бараме решение, но само такво, какво ќе биде oд корист на нашата земја и на нашиот народ, изјави Ципрас.
Ципрас посочи денес уште дека неговота левa влада го отфрлила барањето од доверителите за наметнување на нови мерки за штедење во вредност од 1,8 милијарди евра.
Грчкиот премиер изјави дека доверителите се обидуваат да ја "понижат" неговата влада и дека инсистирањето за дополнителни заштеди е политички мотивирано. Ципрас истакна дека сака договор, кој ќе стави крај на бајките за напуштање од Грција на еврозоната, но истакна дека владата била избрана на власт, за да се стави крај на штедењето, пренесоа агенциите.
Мандатот, кој го добивме од грчкиот народ, е да ја прекинеме политиката на штедење", изјави тој пред пратениците од неговата левичарска партија СИРИЗА.
"За да се постигне ова, треба да побараме договор кој ќе го одвои товарот рамномерно и што нема да влијае на вработените и пензионерите", рече уште Ципрас.
Тој прецизира дека Атина се стреми да се договори со меѓународните кредитори за решавање на проблемите поврзани со финансирањето, и ќе биде нанесена најмала штета за населението на земјата.
"Главната задача во создадената ситуација е да биде нанесена најмала можна штета на населението на Грција. Изложени сме како на притисокот од доверителите, така и од притисокот на народот и се обидуваме да ги поправиме грешките на претходната влада", рече Ципрас.
"Бараме патишта за решавање на проблемите поврзани со невработеноста, како повторно вработување на луѓе кои биле отпуштени, вклучувајќи во националната телевизија", додаде грчкиот премиер.
Изјавата на Ципрас изгледа дека го продлабочува ќор-сокакот меѓу Атина и нејзините кредитори, наведува Ројтерс.
Грчкиот премиер изјави дека Европската централна банка инсистира на финансиско "задушување" на Грција и ги обвини ЕЦБ и ЕУ дека одбиваат да понудат отпишување на долгот.