Ципрас: Подготвен сум на компромис

Добивај вести на Viber

Грција е подготвена за компромис и поради тоа аранжманот со кредиторите може да биде постигнат уште денес.

Ова го изјави грчкиот премиер Алексис Ципрас во неговото пристигнување на средбата на врвот на еврозоната, пренесоа агенциите.

Подготвен сум за уште еден компромис. Ќе можеме да постигнеме договор денеска, ако сите го побараат тоа, изјавил тој.

Им го должиме тоа на народите на Европа, кои сакаат Европа да биде обединета, а не поделена, посочил Ципрас, истакнувајќи дека е подготвен за „искрен компромис“.

Еврогрупата има зацртан план за помош на Грција, тој мора да биде утврден од самитот. Ова го изјавил министерот за финансии на Финска, Александар Стуб.

„Подготвен е многу амбициозен проект од страна на Грција. Тој ги вклучува законите кои Грција треба да ги прифати до 14 јули. Тоа се условите и првичните чекори кои Грција треба да ги прифати. Договорените четири насоки за реформи, вклучувајќи ги и даночните прашања, приватизацијата, како и други. Сите тие треба да бидат одобрени од Владата и Парламентот на Грција“, посочил тој.

Ако биде донесена одлука за програмата за помош во рамките на Европскиот стабилизационен механизам, целиот пакет треба да биде реализиран - додал Стуб.

Според него, сега топката е во полето на државите и владите на еврозоната.