Ципрас пренесен во болница

Добивај вести на Viber

Премиерот на Грција Алексис Ципрас бил пренесен во болница, откако добил симптоми на задушување за време на седницата на парламентот.

Пред викендите грчкиот премиер одеднаш почувствувал мачнина и отежнато дишење и побарал лекар за да го прегледа. Лекарите велат дека Ципрас е добро и поплаките најверојатно се должат на премногу работа и преоптоварување.

„Тој се чувствува добро, најважно е дека нема ништо сериозно“, изјавиле од кабинетот на премиерот, пренесе грчкото радио „Алфа“.

Во последните недели Ципрас се наоѓа под сериозен притисок да потпише договор со кредиторите и да се согласи на штедење наметнато од ЕУ. Ципрас е критикуван за непочитување на предизборните ветувања и неисполнување на обврските кон народот и кон неговата партија „СИРИЗА“, која е загрозена.

Неодамна мајката на Ципрас споделила во интервју дека е многу загрижена за здравјето на својот син, бидејќи тој имал постојана и голема тежнина, спиел многу малку и речиси не јадел ништо. „Се плашам дека нешто може да му се случи“, изјавила таа, додавајќи дека нејзиниот син нема време за семејството, што претставува голема тешкотија за сите.