ЦИПРАС СПРЕМА ИЗНЕНАДУВАЊЕ: Грција почнува нови преговори со кредиторите за следната транша помош

Добивај вести на Viber

Владата на Грција од денеска започнува нов круг преговори со меѓународните кредитори за да ја добие следната транша од 2,8 милијарди евра по линија на доделување на земјата финансиска помош.

Медиумите коментираат дека владата се соочува со нова битка со Брисел и дека нејзиниот почеток е денес со средба на економскиот тим во Брисел на чело со министерот за финансии Евклидис Цакалотос, за да го подготви теренот за Еврогрупата на 9 септември.

Грчката страна ќе има и други средби, на кои ќе бидат дискутирани преостанатите прашања на кои треба да биде постигнат договор за да се дојде до деблокирање на следната транша од 2,8 милијарди евра од третиот пакет финансиска помош.

Набљудувачите go одредуваат претстојното договарање на овaa транша како исклучително тешка за кабинетот na Ципрас, кој во септември треба да исполни 20 препишани мерки од кредиторите , а исто така и други уште 15, најдоцна до 31 октомври, за да gi добие овие пари.

Повеќето од мерките, барани од кредиторите, се оценуваат како исклучително болни, бидејќи се однесуваат на промени поврзани со работните односи и законите, платите во државната администрација, решавањето на проблемот со лошите кредити, реформите во образованието и приватизацијата.

„Катимерини“ неодамна предвиде дека поради тешкотиите кои претстојат со кредиторите, владејачката коалиција може да биде принудена да прибегне кон нови предвремени избори пред крајот на годината.

Во меѓувреме започна одбројувањето за 7,5 милиони даночни обврзници во Грција, сопственици на имот кои до крајот на 30 септември треба да ја платат првата од петте придонеси по данок за сопственост на недвижности.

Многумина од Грците се очекува да добијат писма за повисоки даноци. Петте рати, по една секој месец треба да бидат исплатени до крајот на годината.

Имотот на данок буди страв и ужас кај голем број сопственици, владата исто така е загрижена, но гледа на овој изменет данок како на „мана небесна“, бидејќи се потпира на него да ја наполни државната каса и да ја покрие широката дупка во приходите на дел на буџетот.

Изданието смета дека премиерот Алексис Ципрас е можно да донесе големо изненадување и да излезе со предлог за нова промена поврзана со овој данок, кој ќе го претстави на отворено во септември на последователно издание на меѓународниот солунски саем, на кој традиционално се прави биланс од управувањето на владата.

Од една страна, владината коалиција силно се надева на овој имот на данок наречен скратено ЕНФИА, за да се ослободи од механизмот за намалување на државните трошоци и да остане на власт, за кој инсистираат меѓународните кредитори на земјата, но од друга страна, бара можност, за да парира на острата реакција на општеството поради испраќаните електронски писма од властите врска со овој данок, коментираат весниците.