Добивај вести на Viber
Министерот за земјоделство на Црна Гора Петар Ивановиќ изјави дека е прекинато производството на млеко во таа земја, додека не се завршат контролите за квалитетот на млечните производи.
Како што пренесуваат црногорските медиуми, на вонредната конференција за новинари во Владата на Црна Гора, тој истакна дека се работи за кус прекин на производството на млеко, со цел да се заштити здравјето на потрошувачите.
Ивановиќ потсети дека Владата на Црна Гора претходно донела одлука за повлекување на 6 видови на млеко од Србија и Босна и Херцеговина, а во следните неколку дена ќе стигнат резултатите од контролата на црногорските производители.