Добивај вести на Viber
Црногорскиот бизнисмен Радомир Новаковиќ од Бар им подари на своите најдобри работници нови автомобили.
Четворицата најдобри работници биле повикани во Подгорица, во наводна инспекција на една од продавниците на ланецот за спортска опрема на Новаковиќ, “Цакан”.
Кога пристигнале виделе два автомобили Голф 6 и два Поло паркирани пред продавницата со нивните имиња на хаубите.
- Ова е подарок за вас, им рекол газдата, а работниците останале без текст и во неверување.
Им биле предадени клучевите и полисите за каско осигурување.
- Јас сум во фирмата од првиот ден и навистина сме како семејство. Газдата и досега ни помагал и наградувал, но вакво нешто не можев да замислам, вели еден од работниците.
Новаковиќ избегнал разговор со медумите изјавувајќи само:
- Го направив ова заради четворица добри луѓе и работници, а не заради медиумите.