Турција ќе се снабдува со ирачката нафта

Добивај вести на Viber

Северен Ирак ќе почне да испорачува нафта на Турција во почетокот на 2014 -та година. Тоа го изјавил премиерот на автономната курдска управа во северен Ирак, Нечирван Барзани , пренесе прес-службата на турскиот премиер Ердоган . Нечирван Барзани е во посета на турската престолнина Анкара , на чело на делегацијата од автономниот северен Ирак . Целта на посетата е потпишување на спогодба која вклучува снабдување со нафта и природен гас од енергетските наоѓалишта во северен Ирак . Сега Турција транспортира курдски сурова нафта до Чејхан. А во почетокот на идната година , кога се очекува да биде завршена конечната трасата , дневните количества ќе се зголемат два пати. Според северноирачкиот водич на првата фаза се планира да вадат по 400 илјади барели нафта дневно , за до 2015 -та година количината да достигне до 1 милион барели , а до 2019 -та година да се зголеми двојно . Енергетското пазарење на Турција со автономното северноирачко раководство ја налути владата во Багдад . Премиерот Малики се уште одбива да комуницира со Анкара , иако турскиот премиер Ердоган му упати персонална покана за посета. Од друга страна сепак нафтата и природниот гас ги зближија ирачките Курди со Анкара. Нечирван Барзани денес се предвидува да разговара со Ердоган.