Турција: На жените им се препорачува да не се смеат гласно

Добивај вести на Viber

Вицепремиерот на Турција Булент Аринч изјави дека во Анкара жените не треба гласно да се смеат на јавно место, за да ја сочуваат „моралната чесност и пристојност“.

„Мажот мора да биде морално битие, како и жената. Жената треба да знае што е пристојно, а што не е“, рекол Аринч, на вториот ден од Рамазанскиот бајрам, кој официјално се слави во Турција, иако таа според Уставот е секуларна земја.

Изјавата на Аринч предизвика лавина реакции на социјалните мрежи дека Владата се повеќе „навлегува во приватниот живот на граѓаните“

„Наместо да ни делите лекции за моралот, вратете ни ги украдените пари“ е една од пораките на Твитер со алузија на сомнение за корупцијата на премиерот Реџеп Таип Ердоган и неговото политичко опкружување.

„Не можам, а да не се изнасмеа на оваа морална лекција“, пишува во друга порака.

Аринч е познат по советите за пристојноста, како што налага -Куранот.

На неговиот совет одговори и противникот на Ердоган на претстојните претседателски избори, Екмелдин Ихсаноглу:„Навистина ни е потребно да го слушаме веселото смеење на жените“, напишал на Твитер.