ТУРЦИЈА ПОСТАВУВА УСЛОВ: Ако ова не се случи, нема да ја пушти Шведска во НАТО

Добивај вести на Viber

Турција ќе го поддржи влегувањето на Шведска во НАТО, ако САД ја одобрат продажбата на борбени авиони.

Турците бараат САД да го одржат ветувањето и да ја одобрат продажбата на борбените авиони Ф-16 на Анкара, објави турскиот весник Хуриет, повикувајќи се на извори.

Турскиот претседател Реџеп Таип Ердоган вели дека е погрешно тоа што САД ѝ испраќаат борбени авиони на Грција, а одбиваат да ѝ ги испратат на Турција.

„Тука не е проблем членството на Шведска, туку недостигот на доверба на САД во турската страна. Ако таа доверба се воспостави, патот на Шведска ќе биде поплочен“, оцени колумнистот на турскиот весник близок до владата Абдулкадир Селви.

Претставничкиот дом на американскиот Конгрес во јули 2022 усвои амандман за буџетот за одбрана со кој на американската влада ѝ се забранува на Турција да ѝ продава нови авиони Ф-16 и компоненти за нивна модернизација. Одлуката е донесена затоа што Турција го крши воздушниот простор на Грција.

Претходно Турција е исклучена од програмата за производство на ловците-бомбардери од петтата генерација Ф-35 поради купувањето руски противвоздушни ракетни системи С-400.

Генералниот секретар на НАТО, Јенс Столтенберг изјави дека прашањата за влегување на Шведска во НАТО и пристапувањето на Турција во ЕУ „не се поврзани едно со друго“.

Финска во април годинава влезе во НАТО.