Турската полиција заплени флота од 3,5 милиони долари, сега е нивна (ВИДЕО)
Објавено во: Свет 01 Јануари, 2024
Полицијата во Турција има флота на која би ѝ позавиделе многу богаташи.
На видеото објавено од турскиот министер за внатрешни работи Али Јерликаја се прикажани повеќе од дваесет спортски автомобили, суперавтомобили и теренски возила кои неодамна беа запленети од турската полиција и сега се дел од нејзиниот возен парк.
Полицијата заплени вкупно 23 возила, од луксузни автомобили од високата класа како Бентли Континентал ГТ и Порше Тајкан, до модели како Ферари 458 и Фолксваген Голф Р.
Göreve geldiğimiz ilk günden itibaren bizden hep şu sözü duydunuz: Türkiye’nin Huzuru…
— Ali Yerlikaya (@AliYerlikaya) December 26, 2023
İstanbul Emniyet Müdürlüğümüzün organize suç örgütlerine karşı gerçekleştirdiği başarılı operasyonlar sonucu 23 araç ele geçirilmişti.
Mahkeme kararınca da bu araçlar emniyetimize verildi.… pic.twitter.com/mzBtgp5EgU
Има и неколку луксузни теренци како Range Rover Sport и Mercedes-Benz GLS. Вкупната вредност на запленетите автомобили се проценува на околу 3,5 милиони долари, пренесува веб-страницата Мотор1.
Како што пишува Дејли Телеграф, овие автомобили биле запленети од наркодилер по име Хакан Аџик. Тој бил водач на моторџиска банда со седиште во Австралија, а неговото богатство се проценува на околу една милијарда долари.
Заедно со 36 други соработници, Аџик беше уапсен минатиот месец во Истанбул.
Фото: Принтскрин/Твитер