„Турски поток“: Русија и Грција потпишаа меморандум за продолжување на проектот

Добивај вести на Viber

Министерот за енергетика на Русија, Александар Новак и министерот за индустриската реформа, животната средина и енергетика на Грција, Панајотис Лафазанис имаат потпишано меморандум за соработка во областа на градежништвото и експлоатацијата на гасоводот, кој се предвидува да е продолжение на „Турски поток“.

„Потпишувањето на меморандумот е потврда за многомесечната работа која ја извршивме за да го поминеме гасоводот преку територијата на Грција. Овој гасовод ... ќе игра стабилизирачка улога во регионот. Проектот не е насочен против никого, токму спротивното - ги обединува сите региони низ кои поминува“, истакнал Лафазанис на средба со Новак пред потпишувањето на документот.

Од своја страна министерот за енергетика на Русија изјавил дека е задоволен од можноста за придвижувањето напред за спроведувањето на плановите во областа на енергетиката и истакнал дека со потпишувањето на меморандумот за соработка меѓу Русија и Грција се „оди на ново ниво“.

„Турски поток“ вклучува изградба на гасовод со капацитет од 63 милијарди кубни метри гас од Русија кон Турција по дното на Црното Море. Должината на гасоводот е околу 1100 км. Како на турско-грчката граница треба да снабдува 47 милијарди кубни метри од 63-те милијарди кубни метри гас.

Се очекува на границата меѓу Турција и Грција да биде создаден гасен центар, од кој земјите од ЕУ ќе набавуваат гас.

Сега е јасно дека Русија ќе го финансира како аванс продолжението на „Турски поток“, а потоа грчката страна ќе ги враќа парите.

Во исто време од „Газпром“ најавија дека има зголемен интерес од странски компании да се вклучат и кон планираното проширување на „Северен поток“, кој ја поврзува Русија и Германија во Балтичко Море, како и неговиот капацитет се предвидува да е сличен на оној на „ Турски поток“, што го става под прашање неговото реализирање, бидејќи според набљудувачите и многу официјални лица на Запад главната цел на Русија со овие проекти е избегнување на транзитот преку Украина.