Турските инвестиции во Македонија ќе пораснат до 2 милијарди евра!

Добивај вести на Viber

Со цел сумирање на досегашните резултати и подобрување на соработката, денеска во Скопје се одржа турско-македонскиот бизнис форум во организација на Стопанската комора Македонија-Турција (МАТТО). Турција е деветтиот најзначаен трговски партнер на Македонија, а за две децении трговијата меѓу двете земји е зголемена осум пати, истакна во своето обраќање на форумот премиерот Никола Груевски, кој додаде дека освен какоеден од најголемите политички сојузници, Турција прераснува најдобар економски партнер на земјава. „Се надевам дека потенцијалите за соработка меѓу двети земји и во иднина ќе бидат искористени, а уверен сум дека постојат огромни потенцијали за соработка. Ги повикувам турските инвеститори да ги искористат поволностите што ги нуди Македонија и да инвестираат“, изјави Груевски. Тој исто така најави дека во соработка со стопанските комори, државата ќе вложи напори за подобрување на деловната клима и подигнувањето на капацитетот на институциите во Македонија која ја гледа како членка на Европската унија и на НАТО. Според претседателот на Управниот одбор на МАТТО, Тунај Ејуп Кавеџи дека вкупните инвестиции од членките на МАТТО кои инвестирале или тргуваат со Македонија, а чии инвестиции се завршени или се во тек, досега изнесуваат една милијарда евра, а до 2015 се очекува да достигнат до две милијарди евра. „Една од основните цели на МАТТО е да создава силно лоби кај турските и македонските инвеститори“, истакна Кавеџи. Тој исто така побара турската лира да биде конвертабилна во Македонија, а посочи и дека се заинтересирани за отворање турска инвестициска област во Македонија. МАТТО е оформена во 2008 година како невладина организација и во неа членуваат деловни луѓе од Турција и Македонија.