Турција 2023

Добивај вести на Viber

Доколку Турција успее да ги оствари своите амбиции и до 2023 да влезе во топ 10 светски економии тоа ќе значи без дилема дека оваа земја ќе стане една од глобалните економски ѕвезди на новиот век. Во време кога развиениот запад се мачи да оствари стапки на раст над нулата Турците креираат огромни стапки на раст и полека но сигурно стануваат сериозен фактор на периферијата на Европа. Колку расте Турција? Во 2011 година Турција порасна неверојатни 8,5%. Тоа ја прави убедливо најзилна економија во Европа. Токму ова е една од главните причини што турците многу не ги боли глава дали ќе влезат во унијата. 2012 погодена од ситуацијата во светот економијта доживеа таканаречено благо приземјување и се очекува 2013 повторно моторот на растот да се запали и да се постигне раст од близу 4%. Ова сепак значи дека Турција за да може да ја оствари нејзината цел дека ќе мора да постигнува раст од 6%. Математички на ваков начин може да се дојде до она ниво кое Турција го бара а тоа да биде една од најсилните економии на светот. Што точно значи Турскиот проект 2023 ? Проектот те целите кои треба да се постигнат ги објави Реџеп Таип Ердоган премиерот на Турција. Тоа се серија проекти кои Турција треба да ги релизира до 2023 година. Основната цел е растот на БДП од сегашните 775 милијарди долари на 2 трилиони долари во 2023 година. Целта е исто така да се намали невработеноста на скоро природна стапка на невработеност од 5%. Додека БДП по глава би постигнал ниво од 25.000 долари. Инаку Турција во моментов има стапка на невработеност од близу 10%, додека нејзиниот БДП по глава на жител изнесува 10.500 долари. Турција проценува дека ќе има вкупно 30 милиони жители кои ќе бидат во категоријата работна сила, во моментов имаат нешто повеќе од 22 милиони. Кои промени се случуваат во моментов? На Турција исто така како и на Кина е потребна поголема домашна потрошувачка и инвестиции во инфраструктурата. Интересно е тоа дека се повеќе глобални брендови влегуваат во Турција. Типичен пример за тоа дека Турците се повеќе трошат производи кои доаѓаат од западот е огромниот пад на традиционалниот турски пијалокот – раки (значи тоа е оној бел пијалок што наликува на узо и може да го видите во турските серии). Ова не значи дека турците не пијат алкохол, туку дека потрошувачката се повеќе се врти кон глобалните брендови. Исто така младото население се повеќе троши на технологија. Впрочем замислите секој млад човек кога ќе влезе во заедница треба да купи стан и истиот да го опреми. Замислете каков потенцијал има само Истамбул кој има скоро 14 милиони жители и тоа е град кој сеуште рапидно се шири. И за крај во целава оваа приказна и поради моќта која ја имаат Турците не прифаќаат квази односи со ЕУ и бараат да бидат полноправна членка. Се чини во ЕУ сеуште има отпор Турција да влезе во големата Унија и времете ќе покаже дали на крајот ЕУ ќе ја моли Турција да и се приклучи. Редакција Фактор