ТУРЦИЈА БРОИ ЗАГУБИ: Стравот од тероризам го преполови бројот на туристи
Објавено во: Економија, Свет 27 Март, 2016
Туристичкиот бизнис во Турција ќе претрпи тешки загуби ова лето поради тековните терористички напади во земјата.
Бројот на туристите се очекува да се намали за 40% во споредба со претходната година, а стотици хотели се прогласени за продажба.
Турзимот претставува околу 4% од БДП на Турција, во кој работат околу 1 милион луѓе, што претставува 7% од работното население.
Во периодот од 2001 до 2014 година, приходите од туризмот во Турција се зголемија три пати и достигнуваат $ 34,3 милијарди долари. Во 2012 година Истанбул е меѓу петте најпопуларни туристички дестинации според MasterCard Global Destination Cities Index.
Но, минатата година, приходите на индустријата за прв пат се намалени за 8% од 2010 година до $ 31.5 милијарди, а уште посериозен пад е забележан во јануари оваа година – 19% во споредба со истиот период минатата година.