Турција ќе инвестира шест милиони евра во проекти во Србија

Добивај вести на Viber

Турската агенција за развој и координација (ТИКА) намени шест милиони евра за проекти во Србија, изјави министерот во српската Влада, Сулајман Угљанин по средбата со заменик-премиерот на Турција Бекир Боздаг. Министерот Угљанин во Анкара се сретна со турскиот заменик премиер Бекир Боздаг, кој е одговорен за работите на трската Агенцијата за развој и координација (ТИКА). "Оваа година, ТИКА одвои шест милиони евра за реализација на постоечките и за спроведување нови проекти во Србија", рече Боздаг, додавајќи дека пред неколку дена се завршени работите за изградба на основното училиште во Нови Пазар и Домот на култура во Сјеница, а во моментот при крај се подготовките за изградба на нов блок во хируршка болница во Нови Пазар. Угљанин, како што пренесуваат српските медиуми истакна дека изградбата на блокот во болницата изнесува четри милиони евра, со што значително ќе се подобри квалитетот на животот во цела Србија и во Санџак. Угљанин побара од ТИКА да продолжат да работат континуирано во сите 46 неразвиени општини во Србија, во кои живеат над еден милион жители.