Турција нанесе жестоки напади против „ПКК“ во Ирак

Добивај вести на Viber

Турски борбени авиони ги нанесоа најтешките удари над курдски бунтовници во северен Ирак од почетокот на воздушните напади минатата недела, соопшти претставник на владата, цитиран од „Ројтерс“.

Нападите биле преземени неколку часови откако претседателот на земјата Реџеп Ердоган најавил дека е невозможно да продолжат мировните преговори со Курдите. Борбени авиони „Ф-16“, кои реализирале од база во провинцијата Дијарбакир, поразиле шест цели во Ирак. Турција почнала да ги бомбардира камповите на Курдската работничка партија (ПКК) во северен Ирак поради серија убиства на полицајци и војници од курдските екстремисти. Германското Министерство за надворешни работи во средата ги предупреди за можни напади во метрото во Истанбул и на автобуските постојки.

Турскиот парламент го прекина својот летен одмор и се собра на затворената седница во средата вечерта, за да разговара за воените операции во Ирак и Сирија, а исто така и за повикот на Ердоган да се укине имунитетот на политичарите, кои се поврзани со терористичките организации.

Парламентот и владата на Ирак побарале од Турција да ги прекине воздушните бомбардирања на територијата на Ирак. Во декларацијата на Парламентот се забележува дека ударите го нарушуваат суверенитетот на Ирак. Во исто време, турскиот претседател Реџеп Ердоган пристигнал во посета на Кина. Анкара е подготвена да разгледа нов предлог од страна на Кина за купување на систем за „ПРО“ со голем дострел, изјавил Ердоган.