Турција со лидерите, Бугарија за пофалба, Македонија ja нема на листата најпосетувани градови во светот

Добивај вести на Viber

Бугарија со три, Грција со 1, а Турција со дури 4 градови се најде на листата 100-те најпосетени од меѓународните туристи во светот во 2011 година, која ја направи „Euromonitor International“.  Најпосетен, од меѓународните туристи бугарски град во 2011 година бил Бургас, кој го зазема 74-тото место на светската ранг листа со околу 1.86 милиони посетители, Варна се најде 5 места подолу, на 79-тото место, со 1.81 милиони посетители и Софија, кој е на 96-то место имала на гости 1.46 милиони меѓународни туристи. Атина ја посетиле 1.8 милиони жители и се најде на 82 место, а во  Анталија која е најпосетуван турски град пристигнале 12 милиони туристи, со што се најде на високото 7-мо место. Најпосетуван град од Источна Европа е Будимпешта, кој го зазема 25-тото место со 4.37 милиони туристи. Првата позиција на листата на „Euromonitor International“ е за Хонг Конг, кој ја прифатил речиси 22 милиони меѓународни туристи во 2011 година. Малку заостанува Сингапур, каде што бројот на посетителите бил 19.8 милиони, а во првите три се најде и Лондон со 15.1 милиони меѓународни туристи. Дури 92 од 100-те најпосетени градови во светот во 2011 година имаат раст на бројот на туристите, во споредба со претходната година. Од „Euromonitor International“ прогнозираат уште поголем раст за 2012 година. Поради континуираната несигурност околу состојбата во економијата, особено во САД и Европа, идниот раст ќе остане главно во Азиско-пацифичкиот регион, Блискиот Исток, Африка и Латинска Америка. Намалувањето на визните ограничувања, пак, ќе го поттикнат туризмот во периодот 2012-2016 година, посочуваат од „Euromonitor International“. Еве кои се првите 25 , на листата 100-те најпосетени градови во светот во 2011 година: