Уапсени осуммина на патот Гостивар - Кичево, меѓу нив и полицаец

Добивај вести на Viber

МВР сопшти детали од полициската акција во последните два дена против дилери на дрога, во која уапсени се осуммина, а меѓу истите имало и еден полицаец. Станува збор за три полициски контроли на наплатата станица на автопатот  Тетово – Гостивар.

Кај шест лица од Скопје, во две одделни контроли во период од два часа,  помеѓу 20 и 22 часот, се најдени наркотични средства, информираше денеска Министерството за внатрешни работи. Претходниот ден приведен е и полицаец од Градец. Притворен е откако кај него и кај уште едно лице бил најден кокакин.

– Вчера во 20.15 часот полициски службеници од Гостивар лишиле од слобода двајца жители на Скопје. Кај К.Н (27) и Б.Д.(23) биле пронајдени марихуана и кокаин. Два часа подоцна, околу 22 часот, на истата наплатна станица лишени од слобода биле И.М.(29), И.А.(33), Г.М.(32) и Л.Н.(32), сите од Скопје. При извршен преглед кај нив била пронајдена марихуана, соопшти МВР.. Околу 19 часот на магистралниот пат Гостивар – Кичево полицајците при извршен преглед кај лицата В.Р.(38) од село Градец, Гостиварско, и кај  Ѓ.Ф.(47) од Гостивар нашле кокаин, информираат од МВР.

Сите приведени лица во Полициската станица Гостивар се задржани за понатамошна постапка.