Уапсени четворица Бугари во Солун за шверц на 103 имигранти

Добивај вести на Viber

Четворица Бугари се приведени од полицијата во Солун за учество во мрежа за трговија со луѓе, соопшти „grreporter.info“. На чело на групата бил еден од приведените Бугари. Во притвор се и двајца турски државјани.

Против приведените биле покренати обвиненија за учество во криминална група, трговија со луѓе со цел профит, кој ги става под ризик животите на луѓето и прекршување на законот за оружје.

Во формирањето на истрагата се наведува дека во групата учествувал барем уште еден шверцер, против кого биле покренати истите обвиненија.

Според официјалното соопштение на полицијата, утрото на 1 септември полицајците запреле автомобил и камион, кои се движеле по автопатот Игнација кон Солун.

За време на проверката во камионот биле откриени 103 странци, од кои 19 биле деца.

Според грчките медиуми станува збор за бегалци од Сирија, кои претходно ја поминале на незаконски начин грчко-турската граница во област Еврос. Тие не носеле со себе апсолутно никакви документи.

Камионот требало да го земат бегалците до Солун. За време на истрагата полицајците утврдиле дека секој од мигрантите требало да плати износ од 2.000 евра.

Додека во автомобилот полицајците откриле и заплениле една сабја и документите на камионот.