Добивај вести на Viber
Драган Ѓуриќ, месарот осомничен дека ја убил 15-годишната Тијана Јуриќ, е сместен во посебна ќелија во Окружниот затвор во Суботица, бидејќи постои објективна опасност дека би можеле да го нападнат и да го линчуваат останатите затовреници.
На Ѓуриќ му е зајакнато обезбедувањето, а храна му се доставува во ќелијата. Исто така, на прошетка излегува посебно за да не го нападне некој во кругот на затворот.
Во затворот во Суботица во моментот има слободни места, така што веројатно Ѓуриќ ќе биде сам во ќелија до крајот на судската постапка против него, пишуваат српските медиуми, повикувајќи се на извори од истрагата.
Месарот Драган Ѓуриќ го призна грозоморното изживување и убиството на малолетната девојка, а одреден му е притвор во траење од 30 дена. Нему му се заканува максимална затворска казна од 40 години.