УКРАИНА НА НОЗE! Орбан испрати впечатлива понуда, се ќе се смени ако Западот го прифати ова
Објавено во: Свет 13 Декември, 2023
Лидерите на земјите членки на Европската унија ќе се соберат во четврток и петок во Брисел на самит кој сигурно е еден од најнеизвесните во последните неколку години.
На дневен ред е проширување и ревизија на седумгодишниот буџет на ЕУ, две теми за кои засега нема консензус. Во центарот на вниманието ќе биде унгарскиот премиер Виктор Орбан, кој се заканува дека ќе стави вето на клучните одлуки.
Лидерите на Унијата треба да одлучат за препораката на Европската комисија за отворање на пристапните преговори со Украина и Молдавија. Иако препораката е поддржана од 26 земји-членки, не е сигурно дека ќе биде усвоена бидејќи Унгарија се заканува со вето. Сепак, од Будимпешта доаѓаат сигнали дека би можеле да ја укинат блокадата за помошта за Украина доколку ЕУ ги одмрзне средствата замрзнати за Унгарија поради проблеми со владеењето на правото и демократските стандарди.
Балаш Орбан, политички директор во кабинетот на премиерот Виктор Орбан, во интервју за Блумберг изјави дека се подготвени да го отстранат ветото за помошта за Украина, но под услов сите замрзнати средства, кои се околу 30 милијарди евра, да бидат одмрзнати.
Европската комисија утре треба да ја соопшти одлуката за одмрзнување на десет милијарди евра како награда на Унгарија за реформите спроведени во областа на правосудството. Одлуката е веќе подготвена и само чекаме новите закони да бидат објавени во службен весник во Унгарија, а во Брисел тврдат дека тоа нема врска со претстојниот самит, туку дека само ги следат прописите.
Прашање е дали тоа ќе биде доволно за Орбан, бидејќи нешто помалку од 12 милијарди остануваат замрзнати поради проблемите поврзани со заштитата на човековите права, јавните набавки и академската слобода.
Остануваат и 10,4 милијарди евра грантови и поволни заеми од фондот за закрепнување од пандемијата на коронавирус, кои се исплаќаат по спроведувањето на одредени реформи.
Фото: Принтскрин/Твитер