УКРАИНА НЕ РАЗМИСЛУВА ЗА ПРЕГОВОРИ СО ПУТИН: Kулеба откри дали имаат план Б
Објавено во: Свет 04 Јануари, 2024
Украина нема план „Б“, вели украинскиот шеф на дипломатијата, Дмитро Кулеба.
Кулеба во интервју за Си-Ен-Ен кажа дека неговата земја нема план „Б“ за решавање на кризата и завршување на војната, единствениот план што го имаат и во кој веруваат е планот „А“, кој ѝ беше објавен на јавноста одамна. Кулеба тврди дека инвестирањето во неговата земја и нејзината одбрана е сè освен добротворни цели кон Украинците.
Кулеба тврди дека ова е војна која се води етапно и дека неговата држава се подготвува за тоа, без во моментов да размислува за какви било преговори со рускиот претседател Владимир Путин и Русија.Украина може да стане еден од најголемите производители на оружје во светот. Украинскиот претседател Володимир Зеленски е сигурен дека украинската одбранбена индустрија „дефинитивно може да стане еден од 10-те најпродуктивни и најмоќни одбранбени комплекси во светот со текот на времето“.
Екс премиерката на Украина, Јулија Тимошенко го повика претседателот на Украина, Володимир Зеленски, на Украинците да им го претстави таканаречениот план Б, кој треба да ја изведе земјата од „тешката и прилично трагична позиција“. Тимошенко предложи да се испратат членови на сите безбедносни структури на земјата на фронтот – од полицијата и државното обвинителство преку други агенции за спроведување на законот бидејќи сите тие знаат да користат оружје и „знаат да водат војна“. Руската инвазија на Украина почна лани на 24 февруари.
foto Facebook/Dmitro Kuleba