29 Март, 2024
0.0239

УНИБанка држи лекции! Добивката зголемена за речиси 50 отсто

Објавено во: Економија 09 Февруари, 2021

Добивај вести на Viber

Уникатна и ефективна деловна стратегија на менаџментот на УНИБанка. Во „корона година“ зголемени нето приходи од камати и провизии. Зголемени останати приходи од дејноста. Во годината на големите ризици кои ги носи пандемијата УНИБанка остана доследна на своите корпоративни деловни партнери и на клиентите – физички лица. Не посегна да вложува во државни обврзници туку пласираше кредити.

УНИБанка има фантастични резултати во работењето лани и година за паметење! Во услови на многубројни отежнувачки околности и зголемени ризици во економијата предизвикани од пандемијата, УНИБанка успеа да ја зголеми добивката од работењето за речиси 50 отсто во споредба со 2019 година и тоа да го оствари со значајни растови на сите приходни ставки: нето приходите од камати, нето приходите од провизии и надоместоци и останатите приходи од дејноста.

Ако 2020 година се мери според растот на добивката во проценти може слободно и без скромност да се каже дека УНИБанка одржа лекција за успешно работење во банкарскиот сектор во земјава.

Очигледно дека менаџментот на оваа Банка има специфична и веројатно уникатна деловна стратегија која се покажа на дело како многу успешна и ефективна. Затоа што сите можат да и позавидат на растот на профитот. При тоа банката лани била целосно посветена на деловните клиенти (во секторите корпоративно банкарство и граѓанско кредитирање) и немала работа со купување хартии од вредност (пред се државни записи и обврзници) како што тоа било тренд кај некои големи банки кои досега ги објавија годишните финансиски податоци.

Да почнеме со ред: нето приходите од камати се зголемени за солидни 7,6 отсто во споредба со 2019 година. Лани тие изнесуваат 13,8 милиони евра и се за речиси еден милиони евра повисоки од претходната година. Втората најголема приходна ставка го следи трендот на најголемата приходна ставка. Нето приходите од провизии и надоместоци лани изнесуваат 3,06 милиони евра и се за 12,6 отсто повисоки од 2019 година. Солиден раст има и кај останатите приходи од дејноста. Тие достигнале 948.000 евра и се за 379.000 евра повисоки од лани.

Значаен катализатор за зголемената добивка на банката лани се намалените трошоци за резервации на кредитните пласмани. И уште еднаш тука да повториме и потенцираме дека тоа е реализирано во „корона криза“. Износот на резервации на крај на 2020 година изнесува 1,85 милиони евра и тоа е за 902.000 евра помалку од претходната година. Друга значајна трошковна ставка се расходите за вработените кои лани изнесуваат 5,2 милиони евра и се минимално намалени во однос на претходната година.

И сите горенаведени индикатори носат до резултатот: добивката лани изнесува 6,08 милиони евра што е за 47,6 отсто подобар скор од профитот остварен во 2019 година. Или 2 милиони евра поголема заработка лани од 2019 година.

На страната на билансот на состојба има една состојба која е квалитативен и уникатен белег на деловната стратегија на УНИБанка. Тоа е нивото на вложувања во државните хартии од вредност. Некои други банки во ваква кризна година која носи непредвидлива иднина посегнаа во вложување во државни хартии од вредност. Но не и УНИБанка. Кај неа нивото на вложувања во хартии од вредност е 2,2 милиони евра и тоа е исто како и во 2019 година. Наспроти тие вложувања се кредитните пласмани со 272,2 милиони евра. И тие лани биле на исто ниво како и во 2019 година.

Лани, во „корона“ годината УНИБанка ја зголеми вредноста на депозитите за нешто повеќе од една милијарда денари. Имено, на крај на декември 2020 година нивната вредност достигна 315 милиони евра и тоа е за 17,6 милиони евра повеќе од 2019 година. 

Р.Ф.

Можеби ќе ве интересира

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

ЗА ЕДНО ЕВРО РУЧЕК И ПРЕВОЗ: Oва е најевтината земја за живеење

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

МИЗО ПОТВРДИ ДЕКА ЗА ОВА РАЗГОВАРАЛЕ СО МИНИСТЕРСТВОТО ЗА ФИНАНСИИ: Македонија треба да се адаптира на глобалниот минимален данок на добивка од 15 oтсто

ПЧЕНИЦАТА ПОЕВТИНИ: Цената на златото и нафтата скокнаа

ПЧЕНИЦАТА ПОЕВТИНИ: Цената на златото и нафтата скокнаа

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

БИТИЌИ Е ОПТИМИСТ: Вели дека со влезот во ЕУ просечната плата ќе изнесува 1.300 евра

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат