УНИБанка со изменети и намалени надоместоци за физички и правни лица

Добивај вести на Viber

Во пресрет на приклучување кон СЕПА платежна област(единствена област за плаќање во евра за физички и правни лица), следејќи ги барањата на клиентите, како и препораките на Народна банка на РСМ, УНИБанка АД Скопје изврши измена во тарифите на меѓународните плаќања преку СЕПА, а истовремено ги намали и надоместоците за користење на услугите во МИПС, како за физички така и за правни лица.

Со оваа одлука Банката покажува прилагодливост кон потребите на клиентите, а истовремено ги следи и почитува институционалните препораки.

Кај клиентите правни лица повеќекратно се намалени просечните тарифни провизии за плаќањата во СЕПА во однос на постоечките тарифни ставки, соодветно се прилагодени надоместоците и во пакетите за правни лица, со што стануваат уште поатрактивни за клиентите.

Пакетите за правни и физички лица вклучуваат најчесто користени банкарски услуги и плаќања во една цена и истите се прилагодени согласно потребите и големината на клиентот.

За физичките лица кредитните трансфери воСЕПА започнуваат од 1 еур, Банката не предвидува надоместоци за приливи, вклучително и по основ на странски плати и пензии.

Приклучувањето кон СЕПА ќе овозможи побрзо, поевтино и поефикасно извршување на плаќања во евра, како на национално, така и на прекугранично ниво.Банката периодов интензивно работи на сите неопходни процеси со цел да им ја овозможи на своите клиенти услугата СЕПА кредитен трансфер, која ќе стартува на 7ми октомври 2025 година, од кога стартува и измената на тарифата.

Извршени се и намалувања на надоместоците за кредитни трансфери кон сметки во други банки преку платниот систем МИПС, со намалување и до 40% на трансферите извршени преку електронско банкарство.

Со измените на тарифните надоместоци УНИБанкаја поддржува дигитализацијата на платниот промет во земјава, ги стимулира граѓаните и компаниите да преминат на електронски плаќања,и воопшто придонесува кон воспоставување на еден поефикасен и поевтин платен промет. Потврдува дека е современа европска банка и партнер на своите клиенти во секоја фаза од нивниот развој, како локално така и на меѓународно ниво.