УШТЕ ДВЕ НЕДЕЛИ РЕСТРИКЦИИ, ОД 4 МАЈ ОТВОРАМЕ СЕ, Вучиќ бара уште малку трпение

Добивај вести на Viber

Српскиот претседател Александар Вучиќ изјави дека очигледно епидемијата попушпта, и дека со слушање на препораките од здравствената фела, животот може да се врати во нормала. 

Во Србија и овој викенд ќе биде на сила полицискиот час. Забраната за движење ќе започне денес во 18 часот и ќе трае до 5 часот во понеделник, објави српскиот претседател Александар Вучиќ.

„Може да бидете лути на мене колку што сакате. Ги слушав лекарите вчера и неколку дена претходно, и тие се за тоа да се продолжи забраната за движење уште најмалку две недели, особено за време на викендите, кога се најголемите гужви“, објасни Вучиќ.

Како што предупреди тој, денес ја плаќаме цената на недисциплината од пред 21 ден, кога имаше многу луѓе на улиците во текот на викендот. 

„Тоа што сега имаме подобрување, тоа се должи на претходните викенди. Нема олабавување, иако епидемијата се смирува. Сегашниот успех е резултат на последните три и пол дена недвижење. Очекуваме овие резултати дополнително да бидат потврдени во наредните денови“, рече Вучиќ.

Затоа, се планира постепено да се враќа сообраќајот во нормала, како градскио, така и меѓуградскиот. 

„Ако сè оди добро, земете сè условно, очекувам делумно обновување на воздушниот сообраќај по први мај, ќе започнеме со делумно отворање на меѓуградскиот сообраќај, а по 4 мај со делумно отворање на јавниот превоз. Нема да одиме со 100 процентен капацитет, ќе внимаваме на гужвите, но ќе мора да има најригорозни мерки, маски секако. Ќе се обидеме да ги избегнеме гужвите“, рече Вучиќ.

Тој потсети дека другите продавници стартуваат следната недела, а од 4 мај „се останато“.

„Подгответе се да започнее со работа“, рече тој, истакнувајќи дека 80 проценти од Србија не работела за време на вонреднат состојба.

ММФ проценува дека Србија ќе помине најдобро кога станува збор за економскиот раст, рече претседателот. 

„Некои луѓе мислат дека ја отвораме економијата премногу рано, но нашето стопанство мора да тргне како ракета. Треба да ги забрзаме јавните инвестиции за да го зголемиме БДП. Ќе дадеме се од себе за економскиот раст да миде меѓу - 1 и  - 1,5 проценти, дури и подобро од проценката на ММФ. Ако можеме да ги забрзаме ‚Патишта на Србија', да се движат побрзо, бидејќи тие спиеја за време на вонредната состојба. Односно работеа, но не со доволно интензитет“, објасни тој.

Вучиќ најави дека ќе излезе со ребаланс на буџетот и дека Србија ќе гледа да не го надмине дефицитот од седум проценти, со цел да можат да се спроведат сите мерки.

Фото Курир.рс