УШТЕ ЕДНА ГОЛЕМА НЕСРЕЌА ВО ГРЦИЈА, ЗАГИНАА ДВАЈЦА, А МАКЕДОНКА Е ПОВРЕДЕНА, колите налетале на стадо диви свињи

Добивај вести на Viber

Двајца лица загина, а четворица се повредени, меѓу кои и наша сограѓанка во сообраќајна несреќа во која учествувале три автомобили и стадо диви свињи во соседна Грција. 

Меѓу повредените се и тројца полицајци, во несреќата која се случила вчера околу 11:30 часот, на новиот националниот пат Солун – Нео Петрициу.

Како што пишува „Ин.гр“ не е првпат дивите свињи да излезат на коловоз и да станат причина за тешки сообраќајни несреќи.

До несреќата дошло откако патролно возило со 42-годишен полицаец како возач и двајца негови колеги (44 и 36 години) како патници се судриле со стадо диви свињи кои поминувале и излетале од својот курс. Потоа, возило управувано од 56-годишен странец, државјанин на Македонија со 50-годишна сопатничка, налетало на истото стадо, се превртело во соседната нива.

Потоа, друго возило со 53-годишен локален возач и 48-годишен сопатник се судрило со службеното возило, при што животот го загубиле и двајцата патници во третиот автомобил. 

Повредени се 50-годишната сопатничка од второто возило и тројцата полицајци, кои се задржани на лекување во Општата болница Кукуш.

Одделението за сообраќај Кукуш врши прелиминарна истрага за причините за несреќата.

Фото: Принскрин/Јутубе